【唔聽得都睇得】Baby晒琴技表情搭夠

女星Angelababy懷孕超過8個幾月，數數手指BB都就快出世！現時佢就專心留喺香港等生B，呢日佢就喺Instagram上載咗段彈古箏片，睇落彈得似模似樣?！

見佢着住一身古裝服，相信係佢喺大陸劇《孤芳不自賞》中嘅造型！雖然彈得有啲慢，啲音唔係好連接，不過見佢好陶醉，淨係表情同造型都搭夠，唔聽得都睇得！唔少網民都讚佢叻，叫佢多多練習就得！不過，大家都放錯重點，問佢個肚呢？

冇耐佢又晒咗張自拍相同大家講早晨，見佢着咗好多衫戴晒手襪，粉絲都叫佢注意保暖呀！