粉絲送禮！蔡依林頭戴「燈罩」嗌太大

台灣歌手蔡依林（Jolin）一向深受粉絲愛戴，呢日佢收到一份由昆明粉絲送嘅頭飾禮物，於是即場試戴，並留言：「來自昆明粉絲煲（送）的寶物 代替月亮來懲罰你的頭飾一頂！有點大倒是。」Jolin仲大方開心Share試戴相。

不過，送出頭飾嘅粉絲似乎唔知Jolin頭圍幾多，當Jolin戴上銀色頭飾後雙眼完全被遮住，就好似戴咗個燈罩咁！雖然呢個帶啲民族風嘅頭飾唔多啱Size，不過勝在設計夠晒誇張搶眼。Jolin嘅造型師不妨諗諗計，睇吓可以點改良個頭飾，下次喺演唱會上用都幾好吖！