冧爆咀未婚妻！布偉傑六月香港擺酒

早年在無綫處境劇《同事三分親》飾演「阿一」而為人熟悉的藝人布偉傑，於去年十二月廿五日聖誕節，在社交網站宣布求婚成功，迎娶拍拖超過三年的化妝師女友Celia。布偉傑和Celia接受訪問談及婚事，期間充滿甜蜜並情不自禁錫錫！布偉傑說已決定在五月返美國舉行婚禮，六月則在港辦婚宴，他說：「雖然會喺中式酒樓搞，但唔會傳統形式，想個婚宴好特別。」

冬至求婚　聖誕應承

至於為何選擇在聖誕節求婚？布偉傑說女友非一口答允婚事，要等多日才有答案，他說：「其實係喺冬至求婚，但佢喺聖誕節應承。」直言未諗好婚紗款式的Celia，說需時考慮婚事，她說：「要諗清楚，呢個係終身大事。佢吸引我嘅地方係勤力同人品好，有責任心。」

紮根香港廿年

今年44歲的藝人布偉傑，為美國猶他州鹽湖城人，大學時主修中國文學及亞洲研究，他曾笑言自己前世是中國人！九十年代布偉傑由美國來港擔任幼稚園英語教師，之後經澳洲籍演員河國榮介紹下入行，自此一直在港發展超過廿年，香港成為他另一個家，同時在港找到一段美好良緣！懂國語、廣東話及柬埔寨語的布偉傑，創意多多的他曾出書教健身，去年曾自資搞音樂劇講自己在香港生活的點滴。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon