兩女監場　鄭丹瑞同周秀娜出浴呻辛苦

由鄭丹瑞（阿旦）執導的新片中，阿旦和蔡瀚億(Babyjohn)面對周秀娜和鄧月平這兩位靚女都冇機會享齊人福，前者與娜姐拍浸浴咀戲卻有囡囡在場甚大壓力，而Babyjohn遭鄧月平請食波餅卻被「銀」親嗌痛！

由鄭丹瑞執導兼主演的新片《小男人週記3之吾家有喜》邀得宅男女神周秀娜做他的女友，又有新一代女神、有「巨胸翠如」之稱的鄧月平做囡囡，堪稱享盡齊人之福。不過，原來阿旦亦有派福利給蔡瀚億（Babyjohn）！Babyjohn在戲中與鄧月平做一對，更被對方以「足球小將式」請食「波餅」!Babyjohn笑謂：「佢壓落嚟個下真係空氣凝結！仲有啲痛！」至於可有NG？他笑指有，不過是收音師要求，阿旦就謂：「我都覺得好好㗎，可以唔使NG，無諗到導演都未嗌NG，收音師就話收音有啲問題要NG！」

阿旦與周秀娜在戲中浸泡泡浴的戲份，本以為夠浪漫但其實很辛苦，阿旦說：「全身都係泡泡，拍完一個take我又要睇playback，起身又凍，坐返落去就加熱水係個缸到，跟住又流汗！」他更爆料指戲中與周秀娜360度式咀嘴，不過該場戲壓力甚大，因兩位囡囡都在監場！阿旦透露兩位囡囡有份客串演出，飾演過鏡做反白眼動作的OL，他說：「好多年前我執導一部戲，講鄭裕玲入升降機，後面有個大肚婆拖住個女嗌等埋，個大肚婆就係我老婆、細路係大女，細女係肚入面！佢哋最近拎返出嚟睇先知，覺得好得意，所以我想做多次，第時有個回憶！」

鄭丹瑞化妝及髮型:Milk Cheng

周秀娜化妝:Omix B

周秀娜髮型:Amber Tse@Queens Private I

周秀娜服飾:IRO@I.T

蔡瀚億髮型:Domanic Tao@The Attic Hong Kong

場地:hmv kafe