藝人朱千雪到上環出席活動，生肖屬龍的她，被堪輿學家麥玲玲指她在雞年會運程亨通，事業順利，但玲玲再贈千雪兩句，指千雪「眼大純情、人較感性，容易被人呃，呃完仲要嘴唇厚重感情喎！」千雪直認擇偶會要求對方夠浪漫，贈情詩者會加分，被玲玲笑她果然純情，玲玲說：「贈詩有咩用？食得嘅咩！贈兩個股票號碼都話呀！」

千雪則指自己不算蠢，講到有追求者時，她更識得大賣關旨，她說：「咁我到依家都仲健在，應該唔係好易被人呃！（你好鍾意浪漫？）咁浪漫可以開心啲呀嘛！我鍾意啲文靜嘅男仔，唔鍾意啲有好多朋友，晚晚去唔同party玩嘅，我想我就係個男仔嘅best friend，我鍾意喺屋企，我會同個男仔傾吓睇咗啲咩書，咩電影，而唔係去咗邊度玩！（你又拍劇又溫書，仲有時間拍拖？）可以傾電話！（已經有傾電話嘅對象？）有個識咗好耐嘅男仔朋友囉！（佢追你？）唔知呢！」

提到麥玲玲贈言，千雪在雞年可以在工作上作新嘗試，千雪表示：「我都想，因為出年我暫時只係得一個劇，我都希望可以拍動作片，同埋唱主題曲！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon