堅有咗？孫慧雪又發福谷奶C變D

新婚的孫慧雪出席商場新春活動，盛傳懷孕的她穿上鬆身背心裙，但手臂粗壯兼水桶腰孕味甚濃，但繼續否認懷孕，她謂：「我想話我唔係奉子成婚，所以畀啲時間我啦！依家唔可以努力住，等我做埋呢個活動，正式收爐先啦！」

仲係唔認有咗

聲沙沙的她表示近日天氣又凍又熱，結果病倒了，更指被老公投訴經常工作：「佢話呢排見到我都係瞓緊覺，傾唔到偈（過年出埠補數囉！）連去邊都未諗，可能新年前幾日去澳門玩吓，因為第一年派利是唔想走咗去畀人話避年，同埋我哋真係想有BB，但驚有寨卡病毒，所以新年後有少少時間出去，就要避開啲地方，可能去杜拜或者歐洲。（咁即係有冇懷孕？）總之有好消息會公布。」

胸圍要重新買

雖然否認懷孕，但雪雪就透露已肥了10磅，上圍亦由32C升級至34D，故要重新購買胸圍，問到可有戒口？她謂：「冇呀！我照飲凍嘢同狂食嘢！」