籃球靚男蘇伊俊唔止主持　仲有人搵拍戲

星級籃球員蘇伊俊出席銀行強積金活動，他表示並非首次出席公開活動，問到有否興趣入行拍戲？他說：「其實我冇限死自己係咪運動員角色，因為依家都多咗接觸唔同層面嘅活動，我都有喺ViuTV做體育主持。（有冇人邀請過你拍戲？）之前有，不過嗰陣有比賽，所以夾唔到假。」

至於講到農曆新年，他表示會留港陪伴家人及讓自己休息一下，續說：「我本身有間籃球學校，通常一放假就會有訓練營，有時會帶學生出去比賽，而新年就有一日同學生BBQ。」另外，早前透露已跟女友求婚成功的他，表示婚禮將於今年年底舉行，問到籌備狀況如何？他說：「OK！交畀另一半搞，自己比較忙於事業方面。」