袁嘉敏自爆甩拖噴血大解放

藝人袁嘉敏言行不嬲大膽，呢一日佢又喺社交網發功，分別喺ig同微博留下感言，話自己喺新嘅一年放低一段感情。不過最爆唔係佢宣布再次回復單身，而係佢一口氣甫咗四張性感相，其中一張仲係全裸照...

寓意重新出發

嘉敏接受東網訪問，問到點解要影呢啲裸露相掟上社交網？佢話：「Just means 'take a bath starting fresh！」意指新一年沖完涼後重新出發！問到嗰段放低咗嘅感情係咪指之前個外籍男友？嘉敏話唔想清楚講邊個，總之自己真係放下咗！

前度具知名度

喺再三追問下，嘉敏表示其實去年有段戀情，2016年春天同之前嘅男朋友分手後，就跟呢個男人一起，但又同之前舊愛都拖拖拉拉，佢話2016年嘅男友係一個有知名度嘅人。問呢個人係咪藝人？佢話：「唔係，既然之前冇公開，依家分咗手都想低調。（內地人？）唔係！」佢又自爆尋晚去咗堪輿學家蘇民峰屋企，話師傅指佢屬鼠，今年事業運唔錯，故收拾心情工作，但如果遇到啱嘅，都會嘗試發展。

袁嘉敏感言全文如下：

一月份沒有更新消息，收到大家關心的留言！我沒有事，也到了武漢和潮陽演出，只是因感情事非常糾結，天蠍座便是這樣，自己糾結，感情太強烈，2017的頭三個星期就這樣一團氣悶在心?（裏），想來想去，苦惱中匆匆過去⋯決定放下這段感情事，不再浪費時間，農曆新年快到了，以這個新年開始，樂觀地重新出發！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon