含豐富骨膠原！霆鋒改良牛河啱晒女仔食

20170125
  • 東網電視
    更多新聞短片
    霆鋒將乾炒牛河改良，啱晒怕肥嘅女士。
    謝霆鋒、衛詩雅及鄭容和一同接受訪問，問霆鋒多久沒有來大牌檔？他說：「唔係好耐，我好鍾意大牌檔爐嗰啲聲，同埋街坊氣氛，屋企煮唔到呢啲鑊氣。（鍾意食大牌檔嘢？）係呀！細個我住沙田，成日去隆亨邨嗰啲大牌檔。」
    唔記得着咗穿窿牛仔褲
    詩雅品嘗過霆鋒的手勢後讚口不絕，笑言一碟牛河義賣價一萬元，自己吃了一千元落肚，霆鋒表示今次炮製的牛河相當特別，算是自己研發：「係牛筋嘅肉，又有骨膠原，而且唔係用油炸，係空氣炸，女仔食幾好，不過好搞笑，我用腳踩火嗰陣發現自己着咗穿窿牛仔褲，搵咗自己笨，開爐嗰陣覺得咁熱嘅！」
    衛詩雅向霆鋒拜師
    問詩雅有否向霆鋒偷師？她說：「拍戲嗰陣佢真煮，不過太複雜，我放棄咗！而且佢啲作品好似藝術品咁！」她隨即又向霆鋒說：「你收唔收徒弟呀？」
    鄭容和透過翻譯表示因拍攝這部戲才對烹飪產生興趣，開始會在家中下廚，最擅長整意粉，亦希望可以學整餃子，問有否跟霆鋒偷師？容和說：「佢好貼心，拍攝現場焗咗蘋果批畀大家食，味道好難忘！」霆鋒即笑說：「好易，下次教你哋！」
    同容和「雞同鴨講」
    霆鋒透露片中很多場戲都跟鄭容和「雞同鴨講」，自己說國語對白，容和則講韓文，但兩人非常有默契，從來沒有一次因語言而NG：「有一場戲三頁半紙對白，成三分鐘，我哋都係綵排過一次，但非常順利！」容和笑說：「其實我完全聽唔明佢講乜，但靠表情同埋知佢邊個音係最尾個音，再接落去。」
    霆鋒表示這兩日剛從內地返港，之後會到十八個地方宣傳，問到現在與王菲好Sweet？霆鋒說：「哦！（兩個一齊過年？）今日唔講呢啲啦，講番套戲。」
    東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/
    如仍未更新東網App，請按此連結收睇360影片： https://goo.gl/skC3bK