單方面死撐?洪永城力證同詩詠關係不變
無綫藝員洪永城、蔡思貝、黃子恆、朱晨麗、翟威廉、李君妍等為賀歲劇《味想天開》到中環歐陸嘉年華宣傳,吸引不少市民圍觀,場面熱鬧。
而最近洪永城與唐詩詠的戀情愈傳愈告急,有指唐詩詠以WhatsApp提出分手,他回應否認分手傳聞說:「新聞講得嚴重啫,我哋嘅關係唔嚴重,關係冇嘢,多謝大家關心,出面寫到迂迴曲折,但係我哋嘅狀態OK嘅,希望唔好再作故仔,延伸落去。(係咪冷靜緊?)唔係,關係不嬲都好正常。(WhatsApp分手?)吓,點解嘅,冇咁嘅事,大家想像力非常好。(新年會去唐詩詠屋企拜年?)會呀,兩家人會食餐飯,傾吓偈。(順便傾婚事?)呢個可能都係一個選擇。(快啲結婚唔使咁多新聞?)如果有咁嘅打算會同大家講,好多人都問,決定唔再講,等真係有好消息先再講。(新聞出咗,有冇同唐詩詠傾吓?)有,都有講吓來龍去脈,應該點處理。(同Kanice有冇聯絡?)冇呀,佢係幾年先見一次嘅普通朋友。」
洪永城又指自己已經很努力給予唐詩詠信心。