藝人胡杏兒同陳敏之一向都相當老友，雖然各有各忙，但趁住新年杏兒梗係要探吓呢位新手媽媽同埋佢囝囝「雷冬至」啦！今日杏兒就喺社交網站上載咗同敏之同埋佢囝囝嘅合照，杏兒仲提前封咗利是畀雷冬至添，佢仲話：「雷冬至公子，點解你個樣咁得戚㗎？敏之靚媽咪辛苦啦，叻叻 #雷冬至 @陳敏之 」相中見到杏兒抱住雷冬至個樣簡直係母性大發，攬到佢實一實，好似唔願放手咁，難怪唔少網民都紛紛留言叫杏兒快啲生番個，相信都一定係位靚媽呀！