大家咁話！許廷鏗最恨食極唔肥

一班星夢唱片的歌手許廷鏗（Alfred）、鄭俊弘（Fred）、胡鴻鈞（Hubert）、何雁詩（Stephanie）、林師傑（Auston）、譚嘉儀、Hana、谷微（Vivian）、謝文欣（Ally）及 伍富橋（Alvin）今年新年都非常忙碌，未有時間相約食團年飯，惟有在各工作場合碰面祝賀，實行寓工作於娛樂，而且大家都話長做長有係好兆頭！

Alfred笑言新年最希望能食極唔肥，又指每逢農曆新年都是他一年一度的假期，因家人非常重視新年，所以新年定必放假與家人歡度。而Fred就指今年新年有幾日假期可小休一下，但初三晚已經到澳門開工搵真銀：「新年之後我會加緊繼續籌備第三張專輯，希望到時新專輯大賣！」Hubert說：「因為好快再有機會參與拍攝新劇，會趁呢段時間做多啲音樂上嘅工作，好好休息準備，唔可以放肆食量，要開始keep fit。」

Stephanie與譚嘉儀表示非常感恩在猴年各自推出了自己的專輯：「外界反應都幾好，係好大嘅鼓舞，我哋雞年會繼續努力！」Auston說：「其實冇特別分收爐、開爐，年三十晚到初一都要開工，好感恩有好多機會，雞年要鞭策自己寫歌，希望好快再有新作品。」Hana指最近推出了新歌《一輩子守候》是劇集《錦繍未央》的主題曲，很高興在YouTube有很好的成績：「好多謝大家，好期待今年自己嘅首張個人專輯，希望大家多多支持。」Vivian、Ally及Alvin就表示去年作出了很多新嘗試，今年要繼續挑戰，發揮自己的潛能，亦多謝公司給予機會。最後一眾星夢歌手向大家送上祝福：「希望全部人嘅願望都成真，希望大家都可以做到想做嘅嘢，Keep住發放正能量，祝大家心想事成，身體健康最重要！」