澳門消夜中伏　李漢源不滿伙記自動加大

由張美妮、安德尊等主持的無綫花車巡遊節目，在前日（年初三）在澳門舉行，不過大顆兒趁工作圓滿結束後齊齊食消夜時，卻發生不快事件。據負責節目的體育科節目監製及製作主任李漢源facebook甫文，稱被濫收費用一事，他說：「18人叫了16個餸，飯店覺得我們人多要加大三倍，變了45個例牌，一隻雞，另新年加兩成服務費，對澳門的食真反感。」

貨不對辦

當時在場的安德尊稱伙記見他們人多，自動將餸加大到三倍，後來發現條數大晒，問伙記才知好多碟餸其實無三倍大，只得兩倍，貨不對辦，所以他指其後的庶汁啤酒都睇清楚價錢才點。張美妮回覆東網稱拍攝完已返港，未有跟大隊留澳門食飯，得知他們食得不開心都替不值。

埋單四千幾蚊

事後，李漢源回應東網謂：「都係呻吓啫，唔想搞港澳矛盾！問題係伙記冇事前同我講，其實唔使同我加大，我哋都係食消夜，怕太多嘥嘢！（計番平？）四千幾蚊（港元），計平咗啲，不過都係加二服務費，但係新春期間係要嘅！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon