藝人王祖藍與李亞男在將軍澳電視城主持節目《1+1的幸福》。講到有傳黃宗澤以類似王祖藍開設工作室的形式加盟邵氏，祖藍開說：「如果係當然好，如果陸續有呢個形式，藝人就多一個選擇，升班嘛，喺TVB就好似學堂咁學嘢，畢業後就可以出去搵另一啲機會，用另一種形式同公司合作，佢本身都係生意人，可能咁樣對佢多方面發展，娛樂事業、做生意都方便好多。」

問有沒有貼士？祖藍說：「公平、正直、講道理，佢做咁多生意一定得。（變咗你嘅競爭對手？）我若然做到佢嘅競爭對手我幾高興，即係我當自己係一線小生，梗係唔係啦，佢咁靚仔，佢喺內地係妹妹仔偶像。」