胡琳愛上鄭嘉穎：佢係最有型嘅男仔

歌手胡琳、閻奕格等人出席《風雲5D音樂劇》開年禮，期間胡琳、閻奕格及謝天華亦有即席獻唱劇中的歌，而飾演孔慈的閻奕格古裝造型亦有曝光，她大讚造型好靚，受訪時飾演楚楚的胡琳都謂想快些試造型：「我下星期先試，見到佢嗰個咁靚都想期待自己。」講到兩人是歌手，今次演出可是很大壓力？兩人都指會大壓力，胡琳謂去到排練室時，發覺跟單在錄音室唱歌比較是不同，亦謂鮑比達真是很嚴謹。

讚天華好Nice

閻奕格亦謂跟天華排戲時很緊張：「其實我係好怕醜，好緊張，天華好好戲，如果我做得唔好就好大分別，不過天華好Nice，都有畀好多意見我。（佢有冇成日講笑？）都有，但好照顧我。」她亦謂角色需要吊威吔，雖然自己沒有畏高，但都有少少緊張，但則未試位。

期待同嘉穎對戲

胡琳稱暫未跟鄭嘉穎對戲，她說：「我之前一個人練時要幻想，但我嗰陣唱咗唔夠十句歌詞已經投入，覺得佢係全世界最有型嘅男仔，深深愛上佢，如果到時同佢真人對戲嘅話，效果應該會好澎湃。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon