嘉穎錄歌有挫敗感　天華吊威吔險患抑鬱

藝人鄭嘉穎與謝天華出席《風雲5D音樂劇》開年禮，飾演聶風的天華在台上表示入行以來未試過被人糟質得咁犀利：「錄音高要求，跳舞又有好多高難度動作，我要成日飛嚟飛去，最大挑戰係紅館好高，我就有少少畏高，所以都驚驚。」

鄭嘉穎坦言跳舞好難

而飾演步驚雲的嘉穎亦謂今次是成世人其中一個最大挑戰，錄音不停畀監製鮑比達搞到好有挫敗感，他謂：「監製非常高要求，挫敗感好大，以前唔發覺唱歌有呢啲問題，但今次得着好大。（歌錄咗幾耐？）有啲好快，有啲就第二日再錄。」目前還有兩首歌未錄。講到排練進度，嘉穎坦言跳舞好難。

謝天華自爆有畏高症

至於天華則自嘲差啲患上抑鬱症：「錄極都未達到要求，因為音樂劇同錄唱片唔同。」講到被吊威吔飛嚟飛去，他謂：「未試位，遲啲要同technician（技術員）夾。（想快啲試位？）梗係，盡快試，多啲時間好啲。（試過吊到咁高未？）未算係最高處，紅館天花到地下都有相當高距離，希望佢哋盡量減低距離，唔好嚇親，我真係有少少畏高。」

唔知陳凱琳係邊一個

嘉穎興幸不用吊威吔，但天華則踢爆他要騷肌。問可有操肌？嘉穎說：「有啲啦！啱番個角色，睇吓到時點，依家都操緊，因為剩番唔多時間，今個月19、20號就要總綵排。」問可會與女友陳凱琳一齊練？他則拉天華落水：「我呢兩個月嘅拍檔係佢。」天華則搞笑謂唔識陳凱琳是誰，嘉穎說：「遲啲介紹你識。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon