三屆視帝羅嘉良（撈家）近年專注在內地發展演藝事業，經常在北京開工拍劇，與同為演員的太太蘇岩在當地定居，方便工作。不過，內地廣泛地區經常受霧霾影響，每年踏入11月情況更趨嚴重，北京更是重災區，不但去年底已啟動重污染天氣紅色預警，最近更試過落有毒霾雪，人心惶惶！由於小朋友及老人家的肺功能較成人差，亦較易受影響，國際巨星章子怡亦一度為安全起見，帶愛女暫離北京避毒霧。

家居學校齊出招

撈家視愛女羅詠婷（Sela）如珠如寶，當然亦不放心讓女兒長期處於高危環境，所以決定舉家搬到海南三亞海棠灣，遷居一間據知約值500萬人民幣的住宅單位，令一家三口都可以呼吸到新鮮空氣。撈家接受東網電話訪問時，透露上年12月中已搬進新居，問到搬家前如何處理霧霾問題？他指一家人盡量少出街：「喺屋企就買咗個大型鮮風機，令屋企有新鮮空氣。（囡囡返學時點算？）學校都有好多設備吸霧霾，盡量唔好出操場，但長此落去好唔健康。」問到囡囡是否已轉校到三亞讀書？他透露女兒現時仍就讀在北京的國際學校：「佢多假期，等老婆喺海口拍完戲，同囡囡放完假就會返北京。」

有信心房價升值

問到搬家可有影響工作？撈家坦言會飛來飛去兩邊走，從海口往返北京及橫店等地：「老婆有需要亦會返北京做嘢。」提到海南物業因避霾風潮而逆市升值，成為炙手可熱的「健康產品」，他即指最近的確有不少人去到其寓所附近睇樓：「好似話四萬蚊（人民幣）以上先買到一平方米，好彩一年前買落，有信心好快就升值一倍！（可以賺一個翻？）我好彩啫！同埋買嗰時都唔係諗投資，係諗健康。囡囡住得開心、舒服就好夠！」果然是廿四孝老竇！

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon