成日嗌交！羅霖自爆同張慧儀係世仇

「美魔女」羅霖到TVB電視城為重頭劇《深宮計》首日開工，換上唐代戲服的她打扮雍容華貴。羅霖上次拍劇已是逾廿年前的《真情》，難怪她直言再拍劇心情非常緊張，覺得古代對白非常難記，而且是首天開工，台前幕後都要時間磨合。她又與一眾女演員再練習行路，務求更神似古代美人：「其實尋晚已經背熟晒啲對白，但大家都要求好高好嚴謹，我又第一次演古裝，好耐冇試過咁心跳加速！（有冇NG？）一、兩次啦！因為要配合行位，我第一場對白好多呀，又文縐縐，一個字都唔可以讀錯，比拍時裝難。」

唔可以潑婦罵街

她表示戲中不乏嗌交戲，對手戲最多是與張慧儀，因兩人是世仇：「拍嗌交戲都辛苦，我平時好少鬧人，最多係鬧仔，但佢哋唔會駁嘴，不過唔可以將呢套放入戲度，因為監製話我要高貴咁鬧人，唔可以潑婦罵街。」