Gigi Hadid涉種族歧視　瞇眼扮亞洲人

人氣索模Bella Hadid日前於社交網Twitter上載家姐Gigi同成班朋友食飯時，Gigi拎起一塊整成跟日本相撲手容貌相似嘅「人形燒」放喺自己個樣隔籬，Gigi仲特別瞇起雙眼扮成大佛的表情。

影片曝光後，網民立即留言批評Gigi行為涉種族歧視，嘲笑亞洲人嘅面容特徵：「點解Gigi可以同亞洲人（Zayn Malik）拍拖又開呢個歧視亞洲人嘅玩笑。」而且Gigi本人仲擁有一半中東血統。亦有網民留言：「真係好X無知！」不過亦有亞洲粉絲留言：「我係亞洲人，不過無感覺被冒犯，因為我知佢只係玩緊，唔係存心想侮辱亞洲人。」見到反對聲音咁大，Bella現已將影片刪除。

其實Gigi過去曾多次捲入種族歧視風波，包括2016年以七彩Dreadlock頭為品牌行騷及2015年於Instagram晒手上繪上印度「漢娜」（Henna）彩繪紋身照片，都被網民力批。