在《幕後玩家》中飾演公關才子的黃宗澤（Bosco），近來中港兩邊走拍劇搵真銀，雖然Bosco忙到爆但依然精神飽滿，仲操到一身肌肉現身香港，全因再度與美容及健康品牌合作，拍攝新一輯產品廣告。

今次廣告的女主角是Bosco的女友Jun，二人「郎才女貌」十分相襯。廣告當中有大量親密鏡頭，但對於兩位合作多年的拍檔而言當然應付自如！

Bosco更要拍落水戲，Bosco笑說：「拍落水戲真係好難，難在演員在出水入水嘅姿態好難掌握，就好似出水之後髮嘅型，或者有水喺塊面流過嘅位置都要配合好。因為拍廣告講求每個鏡頭都完美，同拍戲講求寫實嘅要求好唔同，所以短短幾秒鏡頭，我哋都要拍好多次先至拍到滿意嘅效果。」