冇同老公講！關詠荷傷舊患兼感冒菌入腰

20170211
  • 東網電視
    更多新聞短片
    關詠荷話佢整傷咗舊腰患，之後啲感冒菌仲入埋條腰度，佢仲冇同張家輝講㖭！
    藝人關詠荷到將軍澳出席代言品牌活動，與大班老人家齊齊耍太極強身。擔任司儀的阮兆祥大放笑彈，全場笑聲不絕。
    雞年望身體健康
    關詠荷受訪時表示：「希望做埋今日個活動，雞年可以身體健康。成個農曆年我冇點出街，事關整傷咗腰部舊患要戴腰封，差唔多好番又輪到感冒，啲菌又入咗腰，原來啲菌邊度弱就攻邊度嘞！」
    醫生叫慢活
    由於老公張家輝正出埠拍戲，關詠荷未有相告，她說：「佢返嚟先知。（舊患斷唔到尾？）冇㗎，呢啲情況好多人都有，舊年我就因為咁都入咗3日醫院。醫生叫我動作慢啲，我性格比較衝動，要學吓慢活先得。（囡囡似你？）佢都有慢條斯理嘅，我成日催佢，今次之後唔催佢嘞。」
    復出随緣
    提到活動上有觀眾大叫「娥姐」，關詠荷則表示「復出」與否隨緣，她有意在意劇本及角色發揮，她謂：「依家再拍嘢，要當自己係新人，咁多年冇拍。（有搵你？）冇，呢幾個月唔得㖭，因為家輝去咗拍戲，我要睇住屋企。（佢唔介意你拍嘢？）有商量嘅。」
    __________________________
    想聽歌？想睇MTV？想了解本地Indie Band資訊
    快啲click入「聲大夾樂」專頁： http://on.cc/musicon