拉單身岑杏賢落水　朱千雪同本書拍拖

藝人朱千雪為無綫節目《千奇百趣特工隊》錄影，透露情人節當日要返學，也沒有異性約會，問到她的追求者可有約會她？千雪謂：「咁都唔代表有人約，呢啲敏感時間梗係唔出街，喺屋企溫書好啲，第二日返早呀，我同書本拍拖。」更指情人節街上大多一雙一對，認為拍拖講緣份，即使出街也不代表可以遇上心儀男士。

問到家人可有催拍拖？千雪謂：「又冇，因家有兩個妹可以分薄，就算拍拖應該係兩個妹先，所以如果岑杏賢冇人約可以約我，但佢要送花畀我囉！」