谷胸器！湯洛雯同羅天宇山頂食飯AA制

藝人湯洛雯為婚紗騷擔任模特兒，行騷期間她換上多套婚紗及晚裝，更谷出三吋事業線，相當性感。湯洛雯表示今次是第一次行婚紗騷，她說：「條裙咁靚性感少少都冇所謂，自己都好少着得咁性感。（對婚姻有憧憬？）每個女仔都會有，不過依家事業為主，結婚擺遲少少。（第時結婚都着得咁性感？）最緊要靚，性感少少都OK，留個美好回憶畀自己。」

唔係同羅天宇拍拖

講到緋聞男友羅天宇有否求婚？湯洛雯否認跟羅天宇拍拖：「我哋了解中，大家都係事業拼搏期，睇定啲，事業為主，大家都係好好好好嘅朋友。」講到日前他們被影到上山頂食飯，湯洛雯坦言真人其事：「我哋係上去食飯。（男仔買嘢畀你？）唔係！佢買嘢畀自己，我等佢買嘢啫！（咁食飯係男仔埋單？）我哋AA制，有時我畀，有時佢畀，我覺得朋友唔使計較嘅。」

過兩日就是情人節，湯洛雯表示無人約，問到是否等羅天宇約？她說：「我Open嘅，佢約我都可以。其實我依家拍緊劇集《抱佣情人》，嗰日未出通告，唔知使唔使開工，費時一陣約咗人要開工。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon