張敬軒寧願叫外賣　拒絕王菀之包伙食

歌手王菀之（Ivana）與張敬軒為《The Magical Teeter Totter》演唱會到九龍灣綵排。二人合唱《友誼的小船》時軒仔不慎唱錯歌詞，即被Ivana取笑。受訪時兩人否認「甩轆」，Ivana自言天生已準備好，軒仔更揚言現在就可以上台：「我哋會將紅館個台轉成自由搏擊場地，施盡渾身解數去踐踏對方，尋找對方底線。所謂工欲善其事，必先利其器，我哋有兩支成百萬嘅咪，有贊助嘅，襯番我哋把靚聲。」

設手勢以防踩洞

Ivana表示自己終於成為唱跳歌手，多得軒仔教路，又笑言十字步練了很長時間。軒仔就指對方把腰骨也奉獻出來：「佢幾個月都帶住腰封，排練嘅時候好畀心機，新傷舊患。」Ivana強調不怕，上到台就會忘我，但叫軒仔一定要提她台上面有洞：「尋日有加強訓練，四面台係點樣認東南西北。上到台會忘我，就唔記得導演講過邊啲位唔好踩，所以都夾咗啲手勢，一出導演就會提我係邊邊。（咩手勢？）係祕密，如果唔係我一出咪全部人都知！」問Ivana的健康是否恢復？她指一時時，不過這幾天都很專注，沒想到其他。她稱讚導演很貼心，準備了針灸及清補涼等急救用品。

提到日前港鐵縱火事件，她坦言當天很不開心，又透露每天與老公出門前也會叮嚀做任何事都要小心。至於情人節，本來Ivana與軒仔約好一起過，但現在改為各自為演唱會準備，包括扮靚和試衫。

取笑Ivana變少婦

軒仔說：「嗰日都仲要轉頭髮，會轉6個髮型。都幾開心，呢個騷好似返去我哋啱啱出道咁，好多回憶。」Ivana說：「好溫馨，張敬軒始終係同一個張敬軒，冇變壞。」軒仔卻取笑Ivana變了少婦，每天排練後也趕着回家：「好煩、好冤氣，每日都話要買餸，燉牛肉畀老公食。（你好恨？走漏眼？）我直頭跌眼鏡，有人錫梗係好啦！我都食過佢煮嘅嘢，都好好，星級，有啲嘢借吓就得。」Ivana笑言不好吃也不會拿出來，又提議軒仔請自己包伙食，軒仔卻寧願叫外賣。

可惜杜麗莎出局

談及杜麗莎於《歌手》出局，軒仔覺得錄影時間很長：「拍完都已經凌晨3、4點，佢哋輩藝人都好注重養生，好早休息。我都開始邁入嗰個年齡，依家一到11點半就自動關機。」他認為觀眾不會記得歌手於這節目的名次，只會記得歌曲，杜麗莎出局他戥觀眾可惜，因為對方的live是所向披靡，她唱得愈多集，觀眾享受音樂的機會就愈多。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon