黃翊絕迹20年再唱歌:終於有人記得我

20170213
東網電視
更多新聞短片
黃翊已經絕迹樂壇超過20年啦。
前歌手黃翊晚上在將軍澳電視城為薛家燕、黎小田、湯寶如及曹永廉主持的無綫節目《流行經典50強》錄影。黃翊絕迹樂壇超過二十年,對上一次為無綫拍攝節目已經要數到十五、六年前,原來他轉行在大埔經營大牌檔飲食生意,生意穩定。
出嚟唱吓試水溫
黃翊也特別帶同太太陳存正及兒子出席,欣賞他演繹由自己一手包辦作曲、填詞的代表作《最愛的妳》,這首歌對他特別有意義,是他歌唱生涯成績最好的一首歌。問黃翊到會否歌癮大發考慮復出?他說:「對唱歌有濃厚興趣,自己就鍾意唱K,我喺浴室歌手嚟,最鍾意喺浴室唱歌,今次都好懶冇乜練歌。(會唔會復出唱歌?)自己都唔知,一路都冇乜人特別搵我,今次終於有人記得我,咪試吓出嚟唱,睇吓反應點。同埋最想係畀個仔睇吓我唱歌,個仔依家11歲,佢喺6、7歲嗰陣問我以前做乜,我話Daddy以前係歌星嚟,佢聽完O晒嘴,返到學校周圍同人講Daddy係歌星。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon