繼續爆金句　夏雨李司棋唔怕新人搶鏡

藝人夏雨及李司棋出席無綫新劇《溏心風暴3》記者會，二人透露劇集會承接上兩輯的傳統，金句百出，夏雨表示司棋的角色「火姐」相當火爆。司棋則大讚劇本好，能夠有《溏心》的風格得來又有新故事，至於會否擔心拍攝時間過長？二人謂劇本支線多，故不會太辛苦，司棋姐笑謂：「多啲仔女談情說愛，咁我哋咪得閒啲囉！」

談到今次以新演員為主，兩位前輩直言不擔心「磨戲」，夏雨說：「千挑百選嘅，之前就兩集都有好多新演員，拍完就變天王巨星啦！」司棋亦指當年陳法拉拍《家好月圓》時是新人，當年更向她大呻不懂拍喊戲，最終亦成功！