陳潁熙同田蕊妮合作勁難忘

於第26期無綫藝員訓練班出身的陳潁熙（Niki），入行至今參與逾20套電視劇，如《醋娘子》、《衝線》、《巨輪II》、《親親我好媽》、《乘勝狙擊》及最近播出的新劇《迷》，劇中演田蕊妮女兒簡淑兒好姊妹的她，表示首次跟視后合作難忘非常：「拍嗰時阿田畀咗好多寶貴意見我，令我學到好多嘢，得益不少！最深印象係有一場戲同佢一起搵失蹤咗嘅人，過程好緊張！」

談到訓練班導師鄭丹瑞，Niki指對方除了傳授演技之餘，還教導不少人生道理，故即使已畢業多年，但仍會視對方如親父般敬佩，更謂：「旦哥角色好緊要，帶領住我哋36位同學走過半年培訓，令我學識做一個演員不單止要內外兼備，仲要要學識點樣做人同要守時！真係好懷念旦哥帶畀我哋唔少感動同愉快嘅回憶，所以畢業禮時，大家都難捨難離喊晒咁，幾咁唔捨得。」而現時專注拍劇的她，表示也有跟老師學習唱歌三年多，望他日能成為全能藝人!