藝人林峯女友吳千語竟在情人節撇下對方，孖實形象指導友好馬天佑濕平！素顏的千語為免遭人認出，刻意拉低Cap帽兼做低頭族狂篤電話，被封「觀音兵」的馬天佑全程黐住對方，儼如熱戀中的情侶！

兩人全程身貼身而行，又翹手，並細聲講大聲笑！之後去到運動店時更打情罵俏，期間馬天佑突然感到腰攰彎身，千語則企在男方屁股後為他推腰，動作惹火，當發現記者時，兩人即彈開，馬天佑說：「嚇死。」千語即用手掩住素顏樣，問到為何不陪男友林峯？千語說：「佢唔喺香港，喺內地拍緊劇。」接住叫記者不要拍其素顏樣，兩人最後有禮貌地與記者道別。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon