唔輸王菀之！軒仔晒火紅Deep V大露背

歌手張敬軒（軒仔）及王菀之（Ivana）紅館演唱會開鑼，早前着過大露背裝的Ivana，換上Ruffle短裙的她露腿唱《小團圓》，而換上軍綠大褸的軒仔上台唱《青春常駐》。唱到《笑忘書》時，軒仔除褸，穿紅衫的他露出Deep V大露背。之後兩人換上色彩繽紛的大褸在船上唱《伴我啟航》等快歌，唱到《低科技之歌》時，Dancer在台上扮壽司。接着他們在台上除衫，跳唱《Chotto等等》，唱到《友誼的小船》時，Dancer在台上扮迴轉壽司。

玩搖搖板

兩人身穿白色衫在台上玩搖搖板，軒仔唱《My Way》，而兩人入面件T恤是Ivana老公Eric So設計的Figure，Ivana還指住件衫。之後軒仔謂：「估吓我哋兩個邊個重啲？」之後是較重的軒仔沈下去，歌迷即笑住拍手。唱完後軒仔問Ivana為甚麼今日笑得那麼甜，她笑謂：「見到你呀麻。」軒仔即手指坐在控制台的Ivana老公，笑言：「你今晚返去瞓廳啦。」而Eric So亦有笑。之後Ivana唱出《我真的受傷了》，唱到一半對軒仔謂：「我都係唔唱畀你聽，我要唱畀第二個聽。」之後就向住老公唱。

冧爆多謝老公

到了嗚謝環節時，到多謝他們身穿的服裝時，軒仔謂Ivana要多謝一個人，Ivana即好怕醜指住老公：「佢畫㗎！」軒仔問即是哪個，Ivana勁怕醜邊踢腳邊謂：「Eric So！」軒仔笑言：「你知唔知我每日都係咁度過。」Ivana又謂今晚成為跳唱歌手，軒仔亦笑言未見過Ivana穿那麼少布，但都要多謝對方：「因為佢練舞時傷咗大陣，關節又發炎，但真係跳得好好。」最後合唱《手望》作結個唱，臨尾兩人肉緊攬攬，全場拍手，約在11時18分完場。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon