再做卓Sir！苗僑偉Chok住拍《使徒2》
藝人苗僑偉（Michael）、麥明詩、袁偉豪、黃翠如及周柏豪等，日前於中環拍攝無綫劇集《使徒行者2》。苗僑偉繼續在劇中演卓凱一角，以型格長皮褸Chok爆現身的他，拍攝與一眾臥底手下見面的戲份。Michael對其「手下」們讚不絕口：「佢哋都係演警察。（乖唔乖？）全部係有經驗的演員！（拍得辛苦？）唔辛苦，今次咁多人可以分擔戲份！」他預告稍後日子會親身上陣拍攝連場槍戰場口，又會與宣萱談情：「套劇由上年十月尾拍到二月尾，去咗泰國、深圳取景。飛車同動作戲喺泰國拍，槍戰就留喺香港拍。（親身上陣？）做得到就會做！我仲會同宣萱同陳豪上演三角微妙關係。」
太太做跟得夫人
談到前日情人節安排，Michael表示一早準備好鮮花送給太太戚美珍，自己一收工就趕與對方食飯，認真恩愛！他說：「夜晚食飯同送花，送花畀老婆都唔會厭。（收工先買？）呢啲一早準備晒！」問他拍畢劇集後會否與太太去旅行散心？Michael笑言早前帶太太拍外景當旅行：「拍完會留港休息，平時仲飛唔夠咩？（太太平時做跟得夫人同你拍外景？）我去開工，佢去玩當旅行，大家寓工作於娛樂！」