15歲就入行　溫碧霞因《靚妹仔》愛上演戲

溫碧霞（Irene）接受陳海琪主持的網台《夜渡維港》訪問，Irene也是凍齡美女之一，談到保養之道，她說：「咩保養都係假，最緊要個人開心，係要保持嗰份憧憬，我覺得心態係緊要過保養，當然我都好勤力做運動，keep住做gym同跑步、hiking、踩單車，呢啲係可以keep fit，但呢啲唔係最重要，內心先係好緊要。」

Irene 15歲就入行，經歷了很多，從中學了很多東西，也得着很多，她說：「當然有失去，曾經也有過迷惘，高高低低都經歷過，我好珍惜依家所有嘅一切。」在娛樂圈走了一段漫長的路，她的心態是如何？她說：「我真係好鍾意演戲，呢part對我嚟講好重要，雖然家庭係重要，但我自己嘅life都好重要，我需要啲乜，我生存意義係乜，我夢想係咩，拍戲就係我夢想，由拍第一部《靚妹仔》開始，就定下一個目標，將來要成為一個出色嘅演員，我要做一個成功演員，拍一啲自己鍾意嘅戲，咁多年夢想都冇變過。」

點解她對拍戲有這麼濃厚興趣？Irene說：「唔知點解鍾意，但好有滿足感，我以前細個完全冇諗過做呢行，當我拍第一部戲，已經愛上咗做戲，因為第一部戲就已經提名『最有前途新人獎』，係好大鼓勵，當時對我係一個夢嚟，出咗名，好多人鍾意睇呢部戲，覺得好大滿足感。」