「視帝」陳展鵬在將軍澳電視城為無線新劇《天命》開工，他日前拍攝一場對打動作戲時不慎扭傷右膝蓋，現在行路仍一拐一拐，他笑說今次角色「武俠和坤」不易做：「可能當時凌晨兩、三點拍，等打燈等到瞓着咗，而且熱身唔夠，結果最簡單嘅動作就最易受傷，一跨步，隻腳就啪一聲伸唔直，成個緊晒，要坐輪椅繼續拍落去。之後睇咗醫師，敷咗藥已經好番好多，醫師話波羅蓋移位，好彩冇傷到膝蓋半月板，大約多一星期就可以康復，前幾日行都行唔到，但冇辦法，都要繼續拍，啲打戲就延後。」

陳展鵬指拍攝《天命》已先後傷頸及腳，杜燕歌亦因扭傷腳入院，希望大家拍劇時也要小心。