男主內女主外　呂慧儀認老公做跟班

藝人呂慧儀（長腳蟹）以一身Pink Lady裝為無綫處境劇《愛．回家之開心速遞》宣傳，講到同劇演員湯盈盈希望沒有咀戲時，同樣是人妻兼人母的長腳蟹則表示沒有特別抗拒咀戲，認為只要是工作需要便接受。

對於老公黃文迪被指近日成為其跟班，慧儀直認不諱：「真係喎！佢陪我開廠一段時間，因為我同時拍兩套劇，連瞓覺時間都冇，佢擔心我揸車太辛苦，所以佢咪車我同買嘢畀我食囉！（咁你係咪介紹工作畀佢？）係老公同我講呢套劇其中有個角色想搵佢，我同佢講唔連戲就唔好拍囉！」