神速!陳詠謙沙田搭去廣播道填完一首歌
歌手兼填詞人陳詠謙接受電台訪問,他透露用最短時間寫的歌,是寫給麥浚龍的《炸彈人》:「用咗一程由沙田去廣播道嘅巴士時間填,十幾年前填詞冇顧慮,冇賺錢或攞獎壓力,但依家寫歌好難去番之前嗰個速度,因為依家啲人搵我寫歌都係有願望,例如上榜首、或網上點撃率高等等。(填得最耐嘅係咩歌?)係一首寫畀容祖兒嘅歌,用咗七個月填,耐到佢曾經喺頒獎禮上催我,但首歌都依家都未出,其實我寫得耐嘅歌都係我好鍾意嘅歌。」講到他現時撈埋幕前做歌手,問到習慣做幕前未?他謂:「比兩年前慣啲,以前怕出嚟講嘢,驚人以為我發明星夢,但依家諗通咗,我都係做自己崗位嘅嘢。」