練舞受傷　Ivana開騷戴腰封上陣

歌手張敬軒與王菀之（Ivana）一連四場假紅館舉行的《The Magical Teeter Totter演唱會2017》已圓滿舉行，提到Ivana明顯消瘦了，Ivana笑說只是因為之前太肥：「開騷前阿姐（汪明荃）入咗嚟，問我係咪肥咗啲，我就話『吓...我應該係瘦咗』。（依家幾重？）重要咩？但一定輕過軒仔，依家應該一百鬆啲。」又指這次演出為了搏軒仔這位紅顏一笑，所以才搏命大跳性感辣身舞。軒仔即表示收貨：「你真係好唔話得，今次係咪你喺台上最少布嘅一次？」問到軒仔是否後悔當年冇追Ivana？他笑說：「咁又冇，講呢啲。」又透露Ivana之前練舞受傷，現時仍然要戴腰封。之後他好奇問Ivana可有在家跳這段舞給老公Eric So看，Ivana坦言：「梗係冇，我淨係有畀上堂嘅片佢睇，佢話我同個老師仲係差好遠，要練多啲，所以我好畀心機去練。」又表示是首次開紅館四面台，這次多得軒仔的照顧：「我咩都跟晒佢，有佢喺度好放心。」

軒仔透露巡迴計劃

提到她在台上感觸表示到場的歌迷不及軒仔多，Ivana坦言其實是想感謝自己的歌迷這十多年來的愛，又多謝軒仔常常將她介紹得好好。軒仔笑說：「點解你今晚講咩都好似有骨咁嘅。」Ivana即否認。而軒仔指今晚的演出百感交集，因為經過了很多努力，才能促成他們兩間公司的合作：「特別係呢個市道可以有咁多資源support，其實我唔覺得呢幾晚啲觀眾係我啲Fans，佢成日驚呢樣嘢...」Ivana即解釋說：「唔使驚架，梗係你多啲啦，我係覺得啲歌迷默默支持我，好想多謝佢哋咋。」軒仔續謂很開心這幾晚的觀眾各個年齡層都有，為他們打下強心針，希望兩、三年後可再次合體開騷，又透露有巡迴計劃，但仍在洽談中。

尾場冇再提《歌手》風波

提到軒仔在首場演出重提《歌手》風波時，歌迷即叫他不要講，問到尾場演出是否因聽歌迷話所以不再講？軒仔解釋說：「因為我講咗3晚，同埋純粹想tag嗰2首歌。但正如我喺台上所講，做我哋呢行有是是非非、起跌好正常，同埋呢件事令我學識要更加做好啲音樂，呢幾晚嚟睇我哋嘅人都係因為我哋啲歌，唔係為咗睇靚仔。」Ivana即搭嘴笑說：「或者係呢，係嚟睇靚仔。」至於軒仔以後對於敏感話題可會謹慎點？他指會忠於自己：「我覺得今次風波唔需要再澄清啲咩，熟識我嘅人好清楚我為人同觀點，我覺得留畀時間講說話啦，時間可以說明一切。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon