內地女星周迅喺2014年同大佢4年嘅美籍華裔演員高聖遠拉埋天窗，婚後二人經常合體出席活動，更不時傳出周迅懷孕消息。不過，近日內地討論區瘋傳周迅同高聖遠婚姻亮起紅燈，由於高聖遠喺美國長大，母語係英文，有指佢同周迅溝通出現問題，成為佢哋感情最大障礙。

去年周迅過42歲牛一，仲甜蜜依偎老公身邊，高聖遠仲準備咗鮮花送畀老婆，非常浪漫。兩個月前，高聖遠出席公開活動，對於老婆傳有懷孕，佢當時就話：「沒特別計畫生小孩，一切順其自然！」有內地傳媒向周迅身邊工作人員求證時，對方就回應：「沒離！」以此粉碎婚姻亮紅燈傳言，不過周迅同高聖遠至今仍未就傳言回應。