藝人郭富城（Aaron）錄影TVB娛樂新聞台節目《StarTalk》，並接受主播許文軒（Edmond）專訪，大談2017年大計。Aaron於專訪中承認有意成家立室，他說：「獲得金馬同金像獎，得到工作上嘅認同，呢個係行內人對自己嘅一個公認，我好感恩！而我漸漸發覺歲月不留人，我51歲，我覺得係時候要計劃組織家庭同有小朋友，呢個係我嘅一個心願。」

自認唔係孝順仔

與女模方媛拍拖中的Aaron又說：「媽媽年紀開始大，佢80幾歲，雖然佢冇催婚，但我知道佢點會唔想？以孝順嚟講，我係唔合格，因為太多時間放喺工作上，我依家係好穩定，我相信亦會有將來，有好消息一定會同大家宣布，希望同期待大家嘅祝福。」

望執導拍戲

而Aaron亦有另一心願，就是一嘗做導演的滋味，他說：「導演工作好大挑戰，我一定會嘗試做導演，亦會繼續做演員，拍咗咁多年電影，都希望大家知道我諗啲乜，喺執導嘅電影表達出嚟。平時我會諗吓如果我係導演我會點拍，做導演要清晰知道所有角色點演，所以做導演比演員會更難。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon