驚畀人影相 黃心穎嗌忙冇時間搵馬明
無綫劇集《雜警奇兵》在灣仔開工拍攝,黃智賢、黃心穎、C君與蔣家旻在街頭拍攝查案戲份。黃智賢與C君一見黃心穎就一唱一和取笑她與馬國明的緋聞,黃心穎受訪笑說:「習慣晒啦,佢哋唔玩反而唔慣?!」黃心穎與馬國明似乎對對方都有好感,問到戀情發展得怎樣﹖黃心穎說:「呢排大家都要開工,冇咩時間溝通!忙到連家姐生咗BB都冇時間去探佢。(帶埋馬國明去探囉?)咁又唔關事。」黃心穎指要與馬國明加深了解,但對約會亦抱有恐懼,她笑說:「食多幾次飯,睇多幾次戲了解下好啲,但係都有恐懼,就算唔係記者影,都驚讀者會影相,希望有多啲私隱,大家畀多啲空間。(大家戥你哋開心﹖)到真係好開心,先同大家講啦。」
C君透露完成《雜警奇兵》後會與終極偶像黃子華拍電影,但卻有心理障礙,他說:「心裏面好崇拜佢,但做戲又要鬧佢喎,我問佢點做呢,子華話到時就得㗎喇,自己抱住睇明星嘅心態去拍。」