有意孖楊怡搞生意　吳卓羲驚蝕唔敢去盡

藝人楊怡和吳卓羲以嘉賓身份出席明星創業發布會，楊怡表示有興趣跟吳卓羲一齊發展生意：「我哋兩個有好多idea，睇吓邊個嘅idea新穎啲，要啲時間去傾。」吳卓羲表示最重產品係適合自己、大眾同埋有用途才推出。楊怡續表示做生意要給到信心大家：「唔一定用到，可以係一種靚嘅嘢、心得，分享做生意經驗。（今年會落實投資？）要畀啲時間諗諗，如果有另類生意，希望行出嚟有少少身份唔同，雖然係明星創業，但都想大眾化啲，想同粉絲一齊去成就個生意，唔係有一個距離。」

吳卓羲揼本睇楊怡頭

至於講到投資金額，楊怡說：「首先唔好講錢，錢唔係最重要，明星創業係一個gimmick。」吳卓羲則表示自己是做生意的初哥：「我冇做過生意，唔識。佢（楊怡）投資幾多，我就投資一半，驚蝕錢！」楊怡又補充稱創業要抱着未必必賺的心態，可從中吸取經驗。

楊怡戲癮發作想拍劇

問到《溏心風暴3》開拍，監製有否找過她？楊怡指監製早前曾找過自己，不過當時她要結婚，未計劃到時間，又感到未係時機而推掉了，她續說：「不過我依家做完舞台劇，身體輕鬆咗，如果有啱嘅劇，網上又有人話掛住我，我都有啲戲癮，我喺屋企都有陪媽睇myTV SUPER，有睇番自己啲劇。」吳卓羲即笑她說：「你咁都tag到，我喺TVB時，佢哋冇送畀我睇。」楊怡再說：「好多嘢睇㗎。」

----------------------------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片：https://goo.gl/vSTBnI