黎明開騷　李彩華受訪男友驚到彈開

天王黎明（Leon）今晚將於中環海濱舉行一場「Leon's Penguins in Live 2017」全企位演唱會，吸引不少藝人到場支持，如李彩華（Rain）與男友何遠恒、陳小春、謝天華等，不過何遠恒非常怕醜，一開始影相時與Rain分開，經記者要求下，擾攘一輪才大方合照，之後何遠恒再次行開，留下Rain一人受訪。提到男友曾為圈中人，為何如此怕醜？Rain為對方解釋說：「佢都一段時間冇上鏡啦。」問到是否叫男友來做人肉暖包？她指大家都是Leon的歌迷：「有話題啲嘛，有感覺嘅人跳起舞嚟都開心啲，佢都係Leon fans，啱啱識佢嗰時，佢唱咗首《對不起我愛你》畀我聽。（陣間叫男友唱？）陣間聽Leon唱啦，上次Leon開騷睇唔到，今次特登叫朋友留飛，好彩唔使做嘢。」又指今日天氣寒冷，所以勁打底：「着咗兩件heattech，又帶咗披肩，陣間勁歌熱舞都可能會熱。」

而岑杏賢（Jennifer）接受訪問時表示上次黎明開騷都有嚟睇，自己都怕天氣凍：「唔記得戴頸巾，但有貼暖包，都真係幾凍！」另外，錢國偉、張家瑩、莊思敏及莊思明兩姊妹到場睇騷。