戀愛冇分性別　余香凝廖子妤拍同性戀戲

女星余香凝（Jennifer）與廖子妤（Fish），一同亮相TVB娛樂新聞台節目《StarTalk》，二人因為合作電影而成為好友，除了同樣身為演員，二人的另一半亦是圈中人，她們異口同聲表示對方會明白自己的工作，有大膽戲份也不用擔心，Jennifer説：「佢（陳家樂）會了解我嘅工作，佢有幫手同我對戲，用好多種唔同嘅演繹方式去啟發我嘅思維。」相反，問到Fish會否介意男友周祉君跟其他女演員拍親熱戲？她説：「唔OK㗎！但最慘係自己唔嬲得，所以我會扮Cool，但個心想用把刀插自己。」Jennifer笑説：「如果我知邊日拍會好啲，要畀我個心去準備吓。」

試過被女仔追求

二人合作同性戀題材電影，問到能否接受同性的愛？Jennifer說：「以前試過有一刻嘅誤會，但搞清楚只係好朋友嘅友誼。」而Fish則認為戀愛無分性別，她説：「只要自己鍾意，就算係圓係扁都會鍾意。（有冇畀女仔追求過？）有，但我可能個樣好Man，鍾意我嗰啲都比較係女仔啲，但我又唔想照顧人，我係要被照顧，所以唔Work。」

青雲好男人

問到想跟哪位演員合作？Jennifer説：「好想同劉青雲合作，一來佢做戲好好，而且又係好男人，做咩角色同得一埸戲都OK。」Fish就想挑戰武俠片，她說：「以前好鍾意睇《新白髮魔女傳》，林青霞好正！我又想同林家棟合作，佢好有魅力。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon