麥家琪9歲仔偷睇舊碟：做乜以前咁Sexy

藝人麥家琪以校服Look在旺角為新戲謝票。問戲中演老師的她，幾多年未着過校服，她即笑謂：「兩年前着咋嘛！」戲中教王敏奕戀愛觀的她，更自爆已向九歲的大仔教授性知識：「依家小朋友好早熟，太嘢可以喺網上睇到，要幫佢打定個底，我同佢講好過同學同佢講，等佢知咩係愛，咩係性。唔係覺得人哋靚就可以一齊，一齊咗就可以拖手同錫。依家好興叫小朋友記得用套，唔好搞大人個肚返嚟，但咁樣係斬腳趾避沙蟲。」

問兒子有否看過她以前的演出，她笑指對方會偷碟睇：「佢問做乜以前咁Sexy！我話我靚，冇辦法啦！佢就叫我唔好再露！」更謂細女似足管家婆，吩咐她不能穿短裙：「佢話我入面要着褲，以後喺屋企先好着！」