荷里活兩大男星「狼人」曉積文（Hugh Jackman）與「X教授」柏德歷史釗活（Patrick Stewart）昨日在北京出席新片《盧根》（Logan）的宣傳活動，二人行紅地氈與「陸粉」們近距離接觸，不過期間卻發生不愉快事件。有fans拎自拍神棍到來爭相為二人拍照，就在76歲的柏德烈為fans簽名期間，有傳媒影到有人不斷用自拍神棍伸到他面前，更「篤」親他的頭，在旁工作人員見狀雖然已舉手阻檔，但支棍已差不多埋身，柏德烈一怒之下扯走支棍，隨即轉身離開，不過他亦有帶笑向傳媒的直播鏡頭揮手。

有在場的粉絲在微博憶述事件，他指柏德烈本來好開心為fans簽名，但有一個拎住自拍神棍的fans本應已簽到名，但他就故意用自拍神棍「篤」了柏德烈幾下，初時柏德烈都有用手去擋，後來他直接用手上的海報來撥開他的神棍。目擊的粉絲續說：「唔好話咩吖，就算唔係明星，他都唔可以用自拍神棍嚟篤人個頭。如果篤傷人哋，你賠得起咩？基本既尊重禮貌去咗邊？等人哋演員返去點睇中國觀眾嘅素質？可唔可以自律同自重啲？」