久未在香港露面的楊紫瓊今晚出席時裝活動，透露忙拍荷里活經典電影《星空奇遇記》，剛由多倫多回來，留港一日，今晚又飛巴黎，之後再飛約旦拍戲。約旦政治不穩定，問到驚唔驚危險？她說：「我哋一落機就有軍人保護，唔驚，佢哋都係想啲人唔去，唔可以畀佢哋嚇到，我哋要行出嚟支持。（有幾多人保護？）每人都有六個軍人保護，當地政府安排，知我哋係嗰度拍戲。」未婚夫會否陪同，她即扁嘴說：「佢唔會，佢嚟梗飛羅馬同倫敦，但佢同約旦皇帝細佬好熟，我哋之前都去過旅行，見過幾次。」楊紫瓊與未婚夫各有各忙，她透露二人已四、五星期沒有見，問到是否沒有時間籌備婚禮？她說：「係啊，手上仲有二、三部電影，婚禮今年應該搞唔到。（明年？）唔知啊！」