白雪仙率軍！陳寶珠梅雪詩演唐滌生戲寶

20170303
  • 東網電視
    更多新聞短片
    白雪仙帶領陳寶珠（左）及梅雪詩（右）演唐滌生（圓圖）戲寶《蝶影紅梨記》，戲迷萬分期待。
    已故粤劇界一代編劇家唐滌生（1917—1959）100歲冥壽，名伶白雪仙以「任白慈善基金」名義主辦，由陳寶珠及梅雪詩（阿嗲）領銜主演唐滌生戲寶《蝶影紅梨記》，該劇將於2017年7月13至30日假文化中心演出17場（20日休息一天），預計稍後更會移師澳門演出。
    一眾演員齊集銅鑼灣舉行首次見面會及圍讀，「主帥」白雪仙亦有現身，明年將踏入90歲的她精神很好，回答記者提問時幽默風趣，令人尊敬。
    下筆千鈞遺珍萬代
    談到為何挑選演出《蝶》劇，白雪仙說：「啱做咪做囉！（覺得寶珠佢哋演得好？）希望啦。（妳要求高？）個個人都要求高啦，唔通要求低咩？（今次演出因為紀念唐滌生冥壽？）我何時何日都紀念住佢嘅。佢對粤劇界影響深遠，佢寫劇本唔係簡單一句說話，而係用好靚嘅比喻講出嚟，又帶動到下句曲詞，呢啲係佢嘅絕招。」
    成功之道忘我投入
    對於唐滌生的功力，白雪仙讚口不絕，更坦言對「仙鳳鳴劇團」影響得很大：「劇本係一劇之本，依家有冇1/4個唐滌生咁嘅劇本吖？妳哋（記者）幫手諗，希望諗到，咁就對粵劇界好大幫助喇！」她趁機提醒後輩，作為演員在演出時要忘我投入，這才是成功之道。
    仙姐明年慶大壽
    而陳寶珠表示今次演出壓力大，要很多花時間練習，但直言不會加場。至於統籌高王玉琼則表示原本是次演出想為白雪仙慶祝生日：「本來雙重意義，但佢話要跟足西曆，出年（2018年）先慶祝喎！」
    __________________________
    想聽歌？想睇MTV？想了解本地Indie Band資訊
    快啲click入「聲大夾樂」專頁： http://on.cc/musicon