升呢人夫人妻　王浩信岑麗香再拍親熱戲

藝員李司棋、夏雨、米雪、關菊英、王浩信、岑麗香、到荃灣一間荼餐廳為無綫劇集《溏心風暴3》舉行記者會，一眾演員親手炮製奶油豬及沖奶茶比試一番。提到王浩信與岑麗香這次再合作拍劇，已榮升人夫人妻，在戲中他們少有親熱場面，問到岑麗香老公強強可接受她拍親熱戲，她說：「我係演員，呢個係我嘅工作，如果要拍親熱戲都會預先同另一半溝通，同埋都係睇劇情需要。」

信心加油站

王浩信與岑麗香指與跟一眾前輩開工感到壓力，王浩信成為岑麗香的信心加油站，他說：「佢成日懷疑自己做得唔好，冇咗自信，我同佢講將做好自己最好一面做出嚟就得。」岑麗香則說：「因為啱啱開始，自己都要摸索角色，唔知做得啱唔啱，希望同大家分享多啲，表現會好啲。」王浩信指在茶餐廳拍攝，比起平時開工食飯盒，伙食當然好得多，但亦因此增磅，看見「人乾」黃完澤，覺得自己面部更加圓碌碌要戒口，岑麗香笑說：「咁我食埋你嗰份。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon