燒手指兼額頭寫賤字　陳豪畀李佳芯玩殘

藝人陳豪、歐陽震華（Bobby）、張繼聰（阿聰）及李佳芯齊為無綫新劇《誇世代》開工，以「港版霍金」造型上陣的陳豪無須講對白，全程齋坐睇書，認真舒適，但原來好戲在後頭，另一場戲份則講述癱瘓的陳豪坐在車廂中，被不咬弦的李佳芯碰個正着，結果慘被蹂躪，既於其額頭上寫上「賤」字、又喪抓其心口、彈耳珠兼於陳豪手指上點火，最後Bobby及阿聰趕至喝停。

努力操Fit晒肌

雖然鏡頭前的陳豪無力反擊，但鏡頭後的他卻與眾人不停說笑，氣氛愉快，陳豪謂：「角色係會有少少講我唔郁得嘅戲份，幾好玩，淨係坐喺度。（有冇睇霍金套戲取經？）唔使，演員係要有新鮮嘅框架去發揮，同埋又加入好多搞笑嘅情節，大家到時就要睇吓我坐喺度點搞笑。」對於劇中將要晒肌，陳豪透露正努力舉鐵及打拳，但相信仍需要一段時間才成事，問到太太陳茵薇可有為他度身訂造餐單？陳豪笑謂：「又冇，佢要照顧三個小朋友夠晒忙，所以我自己顧自己。」

撐麥美恩拍拖

而首度演喜劇的李佳芯則表示有難度，她謂：「我一路吸收緊點演，呢場戲係我要主導個節奏，終於明白到啲人話喜劇唔易做，不過陳豪都好好，對戲時都一齊研究點會好啲。」對於「是非精」成員麥美恩新戀情傳聞，李佳芯力撐好友謂：「拍拖唔出奇，佢都好多人追，支持佢。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon