馬浚偉拍劇連踩24小時：物有所值

近日忙於拍攝無綫重頭劇《深宮計》的馬浚偉，與「妃子」胡定欣相處相當愉快，他更大讚定欣謂﹕「其實喺《當旺爸爸》內我哋合作過一次，但冇感情線嘅，今次大家對手戲好多，估唔到好快就培養出默契，鏡頭外大家亦好多話題、好好傾，而今次衣飾方面比較繁複，定欣有時會好細心咁幫手整理服裝，又會幫手睇吓我個妝有冇問題，佢係個好細心同專業嘅演員。」

鑑於鏡頭擺位要求，台前幕後今次工作時間頗長，馬浚偉更試過連踩24小時，不過由於出來效果「非一般」，他直言物有所值，更期待5月拉隊到橫店外景：「我諗到時大家仲更加打成一遍。我好難忘同米雪姐第一日同場鬥戲，完咗之後我成個人爽晒，好難得有個咁嘅機會嘛。」