52歲劉錫明恨返無綫拍劇:有人搵先得

20170307
東網電視
更多新聞短片
劉錫明直言有興趣返無綫拍劇。
藝人52歲劉錫明、陳柏宇、李國祥、李健達晚上到將軍澳電視城為薛家燕、黎小田主持的節目《流行經典50強》錄影。劉錫明已經有二十年沒有在無綫表演唱歌,今次是應恩師黎小田邀請上節目,自然是獻唱首本名曲《是緣是債是場夢》,劉錫明表示:「當年仲讀緊浸會音樂系,去參加新秀,試音就係黎小田見我,仲用鋼琴同我伴奏,試完音黎小田話OK㗎喇,返去等電話啦,所以黎小田係我恩師嚟,咁多年大家都有聯絡。」
劉錫明今年會在內地推出新歌加經典歌黑膠唱片,香港亦會發行,他亦有興趣在香港開騷,要看有沒有人邀請。問到可有興趣返無綫拍劇﹖他笑說:「有人搵我先得,有興趣㗎,今晚帶咗阿媽嚟睇騷,阿媽成日都話喺電視都唔見你嘅。」