500粉絲撐場 楊玉梅捱餓着3萬元旗袍

20170309
東網電視
更多新聞短片
楊玉梅成立全世界影迷會,今日有500人嚟撐場。
楊玉梅出席旗袍活動,她表示為中國旗袍會任親善大使,而周海媚是形象大使,自己更獲粉絲到場支持。她又謂為穿上價值三萬元的真絲旗袍而不敢進食,她說:「因為旗袍好貼,唔敢食嘢,我鍾意旗袍,活動先會着。」她透露最近先成立全世界影迷會,今日有來自不同地方的粉絲到場支持:「有四川,唔同地方fans買機票嚟。(影迷會有幾多人?)今日有500人嚟,啱啱開始,係第一個活動。有人問點解依家先成立fans club,除咗吃喝玩樂外,想同fans close啲,多啲見面,有時間做探訪,做慈善,唔係追星,而係有正能量。」提到3月5日生日,粉絲同她一同慶祝?她表示生日不在港,今日一次過慶祝生日同宣布成立影迷會。
同無綫簽咗約
另外,她透露工作更加忙,三月一日剛簽了無綫兩年部頭約,可以參與好角色及與好團隊合作,但要香港內地兩邊走,因為內地要拍電影。提到譚炳文因天氣突變患上重感冒,出現氣喘,家人為安全計將他送入院,她表示有看報道:「好少見喇,前年活動上見過佢,佢嗰時好健康,佢都80幾歲,健康好重要。」她更謂健康比錢更重要,要健康與開心。她表示與譚炳文的拍檔李香琴有合作過,大讚琴姐好nice,她說:「佢好好人,我未出世已經知有琴姐,雖然佢角色係惡同反派,但佢感覺似媽咪,我都知琴姐有老人病,所以我同fans想做多啲charity,老人家辛苦咁多年,多啲關心佢哋,我同媽咪少見,我成日唔喺香港,有活動佢都會嚟,當係母女娛樂活動。 」